დიდუბის რაიონის გამგეობამ წყალტუბოს ქუჩაზე უმოქმედო ლიანდაგების დემონტაჟი და საგზაო საფარის რეაბილიტაცია განახორციელა. ანალოგიური სამუშაოები მირცხულავასა და სამტრედიის ქუჩებზეც შესრულდა.
ძველი ლიანდაგები და დაზიანებული ასფალტის საფარი სატრანსპორტო საშუალებების უსაფრთხო და შეუფერხებელ გადაადგილებას მნიშვნელოვნად ართულებდა.
სამივე ქუჩაზე ჩატარებული სამუშაოების ჯამურმა ღირებულებამ 70 000 ლარამდე შეადგინა.
სამუშაოების მსვლელობას ადგილზე დიდუბის რაიონის გამგებელი დავით გელოვანი გაეცნო.