დიდუბის რაიონის გამგეობამ დიღმის მასივის მე-3 კვარტალში, მე-4 და მე-5 კორპუსებს შორის, 1 800 კვ. მ ფართობის მოსასვენებელი სივრცის რეაბილიტაცია დაასრულა.
ტერიტორია სრულად განახლდა: მოეწყო საფეხმავლო ბილიკები, დაიგო მწვანე საფარი, განთავსდა საპარკე ფურნიტურა, საბავშვო და სპორტული სივრცეები, დამონტაჟდა გარე განათება.
შესრულებულ სამუშაოებს დიდუბის რაიონის გამგებელი დავით გელოვანი და თბილისის საკრებულოს დიღმის მასივის მაჟორიტარი დეპუტატი შოთა ქევხიშვილი გაეცნენ.

