გურიის მხარეში სახელმწიფო რწმუნებულის გიორგი ღურჯუმელიძის ხელმძღვანელობით სამხარეო-საკონსულტაციო საბჭოს სხდომა გაიმართა. საბჭოს წევრებმა რეგიონში დაგეგმილი ის ინფრასტრუქტურული პროექტები განიხილეს, რომლებიც რეგიონებში განსახორციელებელი პროექტების ფონდიდან დაფინანსებისთვის არის წარდგენილი. სხდომაზე, ასევე, ყურადღება დაეთმო მუნიციპალიტეტების წინაშე არსებულ პრიორიტეტულ საჭიროებებს, მიმდინარე პროექტების განხორციელების პროცესსა და ადგილობრივი თვითმმართველობების საქმიანობასთან დაკავშირებულ აქტუალურ საკითხებს.
შეხვედრაში მონაწილეობდნენ სახელმწიფო რწმუნებულის მოადგილეები, გურიის სამივე მუნიციპალიტეტის მერები, საკრებულოების თავმჯდომარეები და მათი მოადგილეები.