არსებობს სახელმწიფოთა შორის ურთიერთობის პერიპეტიები, მითუმეტეს, პარტნიორ ქვეყანასთან, რომელიც არ უნდა სრულდებოდეს დაპირისპირებით, რაზეც ბიძინა ივანიშვილის წერილშია მითითებული, – ამის შესახებ პარლამენტის ვიცე-სპიკერმა გიორგი ვოლსკიმ „ქრონიკაში“ განაცხადა.
მისი თქმით, რა შეკითხვებიც დაისვა და რა კითხვის ნიშნებიც გაჩნდა, უნდა გაეცეს პასუხი.
„როდესაც ვერ თანხმდები რაღაცაზე და უცებ ხდება ისე, რომ „ნაცმოძრაობის“ მთელი მასმედია აყვირდება და ტაშ-ფანდური აქვთ, რომ აი, მოსამართლეს დაუწესეს სანქცია და ნახეთ, თქვენ რა მოგივათო, რა თქმა უნდა, ეს კითხვებს ბადებს. ამ თემასთან დაკავშირებით ღია საუბარიც მოვისმინეთ, მაგრამ მე მინდა, ჩემ პოზიციაზე დავდგე მყარად და არა იმიტომ, რომ ხუნდაძეს ვუპირისპირდები, მინდა, მყარად ვიყო ჩემ პოზიციაზე. არსებობს სახელმწიფოთა შორის ურთიერთობის პერიპეტიები, მითუმეტეს, პარტნიორ ქვეყანასთან, რომელიც არ უნდა სრულდებოდეს დაპირისპირებით, რაზეც ბიძინა ივანიშვილის წერილშია მითითებული. ეს არის მთავარი თემა. რა შეკითხვებიც დაისვა და რა კითხვის ნიშნებიც გაჩნდა, უნდა ვუპასუხოთ, მაგრამ ყოველდღიური მუშაობით ამერიკასა და ევროკავშირთანაც“, – განაცხადა გიორგი ვოლსკიმ.