რეზოლუციას იყენებს ევროკავშირის, მიზეზს ეძებს, რომ რამენაირად არ მოუწიოს ამ თანხის გადახდა რაც ეკუთვნის, – ამის შესახებ საპარლამენტო უმრავლესობის წევრმა, ირაკლი ზარქუამ შვეიცარიულ ბანკ Credit Suisse-ზე საუბრისას განაცხადა.
„კიდევ ერთხელ დადასტურდა ბატონი ბიძინასგან მისი პატრიოტული სულისკვეთება, დადასტურდა მისი მიდგომა საკითხისადმი. [Credit Suisse] ევროკავშირის რეზოლუციას იყენებს, მიზეზს ეძებს, რომ რამენაირად არ მოუწიოს ამ თანხის გადახდა, რაც ეკუთვნის. მათ შორის საერთაშორისო სასამართლომ დაუდგინა, რომ გადაიხადოს. ამის შემდეგ ალბათ ადვოკატი გაახმოვანებს შესაბამის პოზიციას, რა განვითარებას ჰპოვებს ეს და მოუწევს ალბათ შვეიცარიულ ბანკს თავისი ვალდებულების შესრულება“, – აღნიშნავს ზარქუა.
ბიძინა ივანიშვილის მიერ დღეს გამოქვეყნებულ წერილში საუბარია შვეიცარიულ ბანკზეც. როგორც ივანიშვილი წერს, საქართველოში მიმდინარე პროცესებს არსებულ პრობლემებთან პირდაპირი კავშირი აქვს, თუმცა, მისი განცხადებით, ურჩევნია ბანკის მიერ შექმნილი პრობლემა საზოგადოებამ ყველა შემთხვევაში მის პირად პრობლემად განიხილოს. როგორც თავად ამბობს, მისთვის მთავარია, რომ საქართველომ ურთულესი ვითარებიდან საბოლოოდ შეძლოს გამოსვლა და მშვიდობის შენარჩუნება.