კიდევ ერთხელ მოხდა იმის აფიშირება, რასაც ამდენი ხანია ვამბობთ – არის პირდაპირი სურვილი გამოხატული უკრაინის ხელისუფლების მხრიდან, რომ საქართველო გახდეს მეორე ფრონტი, რაც სამწუხაროდ კიდევ ერთხელ გაიმეორა კასიანოვმა, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
მისი თქმით, საზოგადოებამ უნდა განსჯოს, რამდენად სწორია ეს დამოკიდებულება უკრაინის ხელისუფლების მხრიდან.
საქართველოში უკრაინის ელჩმა ანდრეი კასიანოვმა დღეს განაცხადა, რომ როცა რუსეთი უკრაინის მშვიდობიან მიწაზე ომს აწარმოებს, ჰქონდათ მოლოდინები, რომ საქართველო უკრაინას უფრო ეფექტურ დახმარებას გაუწევდა. მოგვიანებით მან დააკონკრეტა, რომ არალეტალურ სამხედრო დახმარებას გულისხმობდა.