დელეგაციის წინაშე ჩვენ განვმარტეთ ჩვენი პოზიცია რეზოლუციასთან, კონკრეტულ ჩანაწერებთან დაკავშირებით, მათ შორის დეოლიგარქიზაციის ჩანაწერზე და აღვნიშნეთ, რომ ეს რეზოლუცია გამოიყენება რადიკალური ოპოზიციის მხრიდან პოლარიზაციის გაღრმავებისთვის, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს ევროპარლამენტარებთან გამართული შეხვედრის შემდეგ განუცხადა.
„საუბრის დეტალებს გარეთ ვერ გამოვიტანთ. იმედი გვაქვს, რომ ჩვენი პოზიციები მხედველობაში იქნება მიღებული. ეს ძალიან მნიშვნელოვანია იმისთვის, რომ საქართველოში შემცირდეს პოლარიზაციის ხარისხი“, – აღნიშნა ირაკლი კობახიძემ.