ჩვენ არაფერს ვაფუჭებთ. ეს არის ერთადერთი ახსნა, ამიტომ ვერავინ დებს ვერავითარ მამხილებელ მასალას და კომპრომატს, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
„ზუსტად იგივე მასალები „ნაცმოძრაობის“ კუთვნილმა მედიამ დადო თუ არ ვცდებით 2 წლის წინ. ანუ, ამ კაცმა ახალი ვერაფერი შემოგვთავაზა. იგივე გაუგებარი დოკუმენტებია რაც იყო წარმოდგენილი. ვერავითარ სიახლეს ვერ გვთავაზობენ და ამას აქვს ერთადერთი ახსნა – რომ ჩვენ არაფერს ვაფუჭებთ. ეს არის ერთადერთი ახსნა, ამიტომ ვერავინ დებს ვერავითარ მამხილებელ მასალას და კომპრომატს. ერთი და იგივე გაუგებარი ფურცლების ფრიალი ხდება „ნაცმოძრაობის“ ტელევიზიების მხრიდან, ხან გოგაშვილის ეგიდით, ხან ხოჯევანიშვილის ეგიდით, ხან ამის და ხან იმის“, – აღნიშნა კობახიძემ არჩევნების შესაძლო გაყალბების თემაზე საუბრისას.