არ არსებობს არცერთი ფაქტი და მტკიცებულება იმასთან დაკავშირებით, რომ ბიძინა ივანიშვილი ოლიგარქია და მას აქვს ფარული გავლენები პოლიტიკასა და მედიაზე. ეს ინფორმაცია ევროპარლამენტარებს მივაწოდეთ და ამაზე სხვაგვარი პასუხი არ მიგვიღია, – ამის შესახებ„ქართული ოცნების“ თავმჯდომარე, ირაკლი კობახიძემ ჟურნალისტებს განუცხადა.
„თუ ევროპარლამენტი მიუკერძოებელია და დამსწრე პარლამენტარების უმრავლესობა იყო მიუკერძოებელი ამ შეხვედრაზე, ბუნებრივია, როდესაც ფაქტს ეუბნები, ამაზე არაფერს გიპასუხებენ. მათ ჰქონდათ ჯანსაღი რეაქცია იმ საკითხებზე, რომლებიც ჩვენი მხრიდან იყო დასმული“, – განაცხადა კობახიძემ.