„ბოლო ორი დღის განმავლობაში, შეხვედრებმა კიდევ ერთხელ დაგვარწმუნა იმაში, რომ, იმ პროგრესის გათვალისწინებით, რომელიც საქართველოს ბოლო წლების განმავლობაში აქვს და რომელიც ასახული იყო საერთაშორისო პარტნიორების ანგარიშებშიც, ევროკავშირს შეეძლო, საქართველოსთვის კანდიდატის სტატუსის მიცემასთან დაკავშირებით გადაწყვეტილება მიეღო“, – განაცხადა საპარლამენტო უმრავლესობის წევრმა არჩილ თალაკვაძემ „ქრონიკის“ პირდაპირ ეთერში საუბრისას.
მისივე თქმით, მმართველი გუნდი სრულად ორიენტირებულია მომავალსა და იმ სამუშაო გეგმაზე, რომელიც საქართველოს ევროკავშირის კანდიდატის სტატუსს მოუტანს.
„ეს შესაძლებელს გახდის, რომ საქართველო თავის ისტორიულ ადგილს – ევროპას დაუბრუნდეს და ევროკავშირის სრულფასოვანი წევრის სტატუსი მიიღოს. საქართველო თავისი შინაარსით, ისტორიით, კულტურით, საზოგადოებით, ევროპული სახელმწიფო გახლავთ. დარწმუნებული ვარ, უახლოეს მომავალში საქართველოსთვის, სამართლიანი გადაწყვეტილება იქნება მიღებული მინდა, პირდაპირ ვუთხრა ჩვენს თანამოქალაქეებს: ბოლო ორი დღის განმავლობაში, შეხვედრებმა კიდევ ერთხელ დაგვარწმუნა იმაში, რომ, იმ პროგრესის გათვალისწინებით, რომელიც საქართველოს ბოლო წლების განმავლობაში აქვს და რომელიც ასახული იყო საერთაშორისო პარტნიორების ანგარიშებშიც, ევროკავშირს შეეძლო, საქართველოსთვის კანდიდატის სტატუსის მიცემასთან დაკავშირებით გადაწყვეტილება მიეღო. მიუხედავად იმისა, რომ ასეთი გადაწყვეტილება მიღებული არ ყოფილა. რა თქმა უნდა, ჩვენ არ ვაპირებთ, რომ მოტივაცია სამუშაოს ტემპები შევამციროთ“, – განაცხადა არჩილ თალაკვაძემ.