ბიძინა ივანიშვილი, რომელმაც 2011-2012 წლებში საკუთარი თავი და ოჯახი გადადო, ახლა მისი შანტაჟი ფინანსური კუთხით რამდენად არასერიოზული და უშანსოა ალბათ მარტივად ხვდებით, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ განაცხადა.
„როდესაც მე კონკრეტულ ძალებზე ვსაუბრობ და ვერიდები მეტ კონკრეტიკას, სწორედ ამას ვგულისხმობ. ერთი მხრივ შვეიცარიის საბანკო სისტემის რეპუტაცია დააყენეს კითხვის ნიშნის ქვეშ, მეორე მხარეს იმხელა ინტერესია და მეორე მხრივ, მარტივი ამბავია, როდესაც ამხელა დარტყმას გეგმავ ქვეყანაზე თუ კონკრეტულ ადამიანებზე რაღაცის უზრუნველყოფის მიზნით, ელემენტარულად კარგად უნდა შეისწავლო ადამიანები, მათ შორის ბიძინა ივანიშვილი, რომელმაც 2011-2012 წლებში საკუთარი თავი და ოჯახი გადადო. ახლა შანტაჟი ფინანსური კუთხით რამდენად არასერიოზული და უშანსოა ალბათ მარტივად ხვდებით“, განაცხადა მამუკა მდინარაძემ.
იურიდიულმა კომპანიამ, MKD-მ Credit Suisse-ის მიერ კლიენტის მიმართ არსებული ვალდებულებების უპრეცედენტოდ უხეში და განგრძობადი დარღვევების შესახებ შვეიცარიულ მედიაში პრესრელიზი გაავრცელა.