ბანკი მიუთითებს იმ რეზოლუციაზე, რომელიც ევროპარლამენტმა მიიღო და რომელიც ევროპულმა საბჭომ და ევროპულმა კომისიამ არ გაიზიარა. ამის უკან შეიძლება რაღაცები ამოვიკითხოთ და ამაში სჭირდება ბუნებრივია ჩაძიება, ვის რაში შეიძლება აინტერესებდეს ამ მასშტაბის რეპუტაციული ზიანის მიყენება შვეიცარიული საბანკო სისტემისთვის, ეს არის ძალიან საინტერესო, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
მისი თქმით, უცნაურია, რომ ბანკი თვითდაზიანებას იყენებს და ამ დაზიანებას შვეიცარიულ საბანკო სისტემას და მთლიანად შვეიცარიის სახელმწიფოს აყენებს.
„რატომ შეიძლება თვითდაზიანების მდგომარეობაში იყოს ერთ-ერთი პრესტიჟული შვეიცარიული ბანკი, ვის ინტერესებში შეიძლება იყოს ეს ყველაფერი და რამე პოლიტიკური კავშირი აქვს თუ არა ძალიან საინტერესოა, მით უმეტეს, როდესაც ბანკი მიუთითებს იმ რეზოლუციაზე, რომელიც ევროპარლამენტმა მიიღო და რომელიც ევროპულმა საბჭომ და ევროპულმა კომისიამ არ გაიზიარა. ამის უკან შეიძლება რაღაცები ამოვიკითხოთ და ამაში სჭირდება ბუნებრივია ჩაძიება, ვის რაში შეიძლება აინტერესებდეს ამ მასშტაბის რეპუტაციული ზიანის მიყენება შვეიცარიული საბანკო სისტემისთვის, ეს არის ძალიან საინტერესო.
შვეიცარიული მედიისთვის ნებისმიერი ინფორმაცია, მით უმეტეს, ეს ინფორმაცია თავისი შინაარსით ასეთი სკანდალურია, რა თქმა უნდა, საინტერესო უნდა იყოს და მედია პირიქით ასეთ ინფორმაციას უნდა ეძებდეს, თუმცა ის რომ მედია ამ ყველაფრით არ ინტერესდება ზუსტად ისეთივე უცნაურია, როგორც ის, რომ ბანკი თვითდაზიანებას იყენებს და ამ დაზიანებას შვეიცარიულ საბანკო სისტემას და მთლიანად შვეიცარიის სახელმწიფოს აყენებს“, – აღნიშნა კობახიძემ.]
იურიდიულმა კომპანიამ, MKD-მ Credit Suisse-ის მიერ კლიენტის მიმართ არსებული ვალდებულებების უპრეცედენტოდ უხეში და განგრძობადი დარღვევების შესახებ შვეიცარიულ მედიაში პრესრელიზი გაავრცელა.