ეს შეხვედრა მნიშვნელოვანია იმით, რომ ის შედგა თბილისში და 2 დაპირისპირებული ქვეყნის საგარეო საქმეთა მინისტრები პირველად ჩამოვიდნენ საქართველოში და საქართველო წარმოჩინდა, როგორც საერთაშორისო მედიაციის მოედანი, რაც, ჩემი აზრით, ხელს შეუწყობს საერთაშორისო ავტორიტეტის ამაღლებას, – ამის შესახებ ექსპერტმა ზაალ ანჯაფარიძემ „ქრონიკასთან“ განაცხადა.
„ეს ასევე გაზრდის ჩვენი, როგორც რეგიონული მოთამაშის როლს“, – აღნიშნა ანჯაფარიძემ.
დღეს თბილისში აზერბაიჯანისა და სომხეთის დიალოგი გაიმართა. ერთი წლის წინ ორი ქვეყნის მნიშვნელოვანი მოლაპარაკების პროცესში პირადად ირაკლი ღარიბაშვილი იყო ჩართული. ქართულ-ამერიკული მედიაციის შედეგად, 2021 წლის 15 ივნისს აზერბაიჯანმა 15 სომეხი ტყვე გაათავისუფლა, სანაცვლოდ კი სომხეთმა მნიშვნელოვანი აზერბაიჯანულ მხარეს დოკუმენტები გადასცა.