რითაც თავს იმართლებენ, ისაა, რომ თითქოს ჩვენ შევაჩერეთ [ევროინტეგრაციის პროცესი] და უნდა დავისაჯოთ. ჯერ ერთი, არ შეგვიჩერებია და მეორეც, დავუშვათ, ვთქვით, რომ დღეს არა და მერე გავაკეთოთ, ადეკვატურია ამასთან დაკავშირებით ასეთი დაწოლა და მუქარა, როგორსაც ჩვენ ვიღებთ?! – განაცხადა „დღის ქრონიკასთან“ პარლამენტის პირველმა ვიცე-სპიკერმა გიორგი ვოლსკიმ, რითაც გამოეხმაურა ბრიუსელის მცდელობას, მოახდინოს საქართველოს იზოლაცია.
ლაპარაკია ინფორმაციაზე, რომლის მიხედვითაც ბრიუსელი ევროკავშირის წევრ ქვეყნებს აფრთხილებს უარი თქვან საქართველოს ხელისუფლების წარმომადგენლებთან შეხვედრაზე.
გიორგი ვოლსკის თქმით, ძალიან კარგად იცის ყველამ, რომ ევროინტეგრაციის პროცესი საქართველოს არ შეუჩერებია და ეს 2024 წლის ივნისში თავად ევროკავშირის გადაწყვეტილება იყო, რომელიც „გამჭვირვალობის კანონს“ უკავშირდებოდა.
„პარლამენტის თავმჯდომარეს ჰქონდა შეხვედრა ევროკავშირის წარმომადგენლებთან და ვთქვით, ასეთი ამბავია, თქვენ შემოგაქვთ [ფული] და რაში ხარჯავთ, ვხედავთ, რომ ეს თანხა მიდის ექსტრემისტულ პროცესებში. მათ თქვეს, როგორ გეკადრებათ, ეს არანაირ პრობლემას არ წარმოადგენს და ჩვენ არ გვჭირდება კანონი, ეს ურთიერთობაში ბზარს შემოიტანს და მოდით, ეს კანონი გაიწვიეთ. კანონი გავიწვიეთ და ატყდა ერთი ამბავი, რომ ჩვენ შეგვეშინდა, დავიმალეთ და ა.შ. გაგრძელდა იგივე“, – განაცხადა გიორგი ვოლსკიმ.
მისი თქმით, იმ ვითარებაში, როდესაც მსოფლიოში „წკიპზეა ყველაფერი, მალე დაფასდება ის, რასაც ქვეყანაში სტაბილურობის შენარჩუნება ჰქვია“.