გურიის მხარეში სახელმწიფო რწმუნებული გიორგი ღურჯუმელიძე და ლანჩხუთის მუნიციპალიტეტის მერი ალექსანდრე სარიშვილი ლანჩხუთის მუნიციპალიტეტში მიმდინარე და დასრულებულ ინფრასტრუქტურულ სამუშაოებს გაეცნენ.
ჩიბათის ადმინისტრაციული ერთეულის ორ ქუჩაზე ასფალტის საფარის მოწყობა დასრულდა. პროექტის ჯამური ღირებულება, რომლის ფარგლებშიც 2 კმ-მდე გზა რეაბილიტირდა, 965 600 ლარს შეადგენს.
გარდა ამისა, ქალაქ ლანჩხუთში თავისუფლების ქუჩის რეაბილიტაცია მიმდინარეობს. პროექტი 1-კილომეტრამდე მონაკვეთზე გზის საფარის სრულ განახლებას, სანიაღვრე არხებისა და ტროტუარების მოწყობას ითვალისწინებს. სამუშაოები რეგიონებში განსახორციელებელი პროექტების ფონდის დაფინანსებით ხორციელდება და მისი ბიუჯეტი 1 073 000 ლარია.