შეუძლებელია რეკომენდაციები შესრულდეს სრულყოფილად ერთ თვეში ან რამდენიმე კვირაში, ეს რა თქმა უნდა, ხანგრძლივი პროცესია, – ამის შესახებ პარლამენტის ევროპასთან ინტეგრაციის კომიტეტის თავმჯდომარემ მაკა ბოჭორიშვილმა განაცხადა.
„მნიშვნელოვანია, რომ ჩვენ ვაჩვენოთ პროგრესი. 2023 წელს, რამდენადაც ჩვენ ვიცით, მომზადდება გაფართოების ანგარიში, რომლის ნაწილიც იქნება საქართველო, გამომდინარე იქიდან, რომ ივნისის გადაწყვეტილებით საქართველო გახდა გაფართოების პოლიტიკის ნაწილი, მიუხედავად იმისა, აქვს თუ არა კანდიდატი ქვეყნის სტატუსი. საქართველოს საკითხი განიხილება თუ არა წლის ბოლომდე ევროკავშირის საბჭოს მიერ ეს თავად მათი გადასაწყვეტია და ნამდვილად არ არის მიბმული იმ ანგარიშზე, რომელიც 2023 წელს მომზადდება“, – განაცხადა მაკა ბოჭორიშვილმა.
გაფართოების პაკეტზე ანგარიშს ევროკომისია 2023 წელს მოამზადებს.