გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მუნიციპალიტეტის მერის მოვალეობის შემსრულებელ გია ანთაძესთან, საკრებულოს თავმჯდომარე დავით დარჩიასთან და ადგილობრივი თვითმმართველობის წარმომადგენლებთან ერთად, ნატანების ადმინისტრაციული ერთეულის ნარუჯის უბნის მოსახლეობას შეხვდა.
სახელმწიფო რწმუნებულმა მოქალაქეებს ცენტრალური და ადგილობრივი ხელისუფლების დაფინანსებით, ნატანებში მიმდინარე პროექტების შესახებ მიაწოდა ინფორმაცია. ასევე, ისაუბრა ახალ ინიციატივებსა და პროგრამებზე, რომელთა განხორციელება უახლოეს პერიოდში დაიწყება.
„მოსახლეობასთან პირდაპირი და აქტიური კომუნიკაცია საშუალებას გვაძლევს, უშუალოდ მათგან მოვისმინოთ იმ გამოწვევების შესახებ, რომლებიც თითოეულ უბანსა თუ დასახლებაში არსებობს. ეს კი გვეხმარება, რომ მიღებულ ინფორმაციაზე დაყრდნობით, ზუსტად მათ საჭიროებებზე მორგებული პროექტები დავგეგმოთ და განვახორციელოთ,“ – აღნიშნა გიორგი ღურჯუმელიძემ.