დიდუბის რაიონის გამგეობა წყალტუბოს ქუჩის N9-ის მიმდებარედ საზოგადოებრივ სივრცეს აწყობს.
2 500 კვ.მ ფართობზე საფეხმავლო ბილიკები, განათების სისტემა, საბავშვო და სავარჯიშო ზონები მოეწყობა. ტერიტორიაზე ფანჩატური, სკამები და ურნები განთავსდება, მოეწყობა სასმელი წყლის შადრევანი და დაირგვება ხე-მცენარეები.
ავტოფარეხების დემონტაჟის შემდეგ გამოთავისუფლებულ ტერიტორიაზე გამოიყოფა საპარკინგე სივრცე, მოეწყობა სანიაღვრე სისტემა და მოწესრიგდება ასფალტის საფარი.
სამუშაოების მიმდინარეობას დიდუბის რაიონის გამგებელი დავით გელოვანი და თბილისის საკრებულოს დიდუბის მაჟორიტარი დეპუტატი გივი ჩხარტიშვილი გაეცნენ.