თურქეთისა და რუსეთის პრეზიდენტებმა სატელეფონო საუბარში სირიაში არსებული ვითარება, უკრაინაში ომი და შავი ზღვის გავლით მარცვლეულის ექსპორტისთვის უსაფრთხო დერეფნის შექმნის საკითხი განიხილეს. ინფორმაციას ამის შესახებ თურქეთის პრეზიდენტის ადმინისტრაცის ავრცელებს.
თურქეთის პრეზიდენტის ადმინისტრაციის ინფორმაციით, სატელეფონო საუბარში პრეზიდენტმა ერდოღანმა აღნიშნა, რომ დადგა დრო, გაერომ შეიმუშავოს გეგმა შავი ზღვის გავლით მარცველულის ექსპორტისთვის უსაფრთხო დერეფნების შექმნის გეგმასთან დაკავშირებით.
თურქეთის ლიდერმა ხაზგასმით აღნიშნა, რომ რუსეთ-უკრაინის ომი უნდა დასრულდეს მოლაპარაკებების გზით, მტკიცე და სამართლიანი მშვიდობით.