მნიშვნელოვანი და ლოგიკური ნაბიჯია ის, რომ ირაკლი ჩხვირკია, მურთაზ ზოდელავა და ლაშა ბერიძე მზად არიან, ან უკვე მიმართეს კიდეც პროკურატურას საპროცესო შეთანხმების მოთხოვნით, რათა აღიარონ და მოინანიონ ჩადენილი დანაშაული, – წერს ანალიტიკოსი ლადო სადღობელაშვილი სოციალურ ქსელში.
მისი თქმით, დანაშაულის აღიარება და მონანიება პირველი ნაბიჯია რეალური ჯანსაღი პროცესისკენ. სადღობელაშვილი იმედს იტოვებს, აღიარების ამ სამართლიან მაგალითს გაიზიარებენ დანარჩენი მსჯავრდებულებიც.
„ამით საბოლოოდ დადასტურდა ის ყველაფერი, რასაც სასამართლო ამბობდა და რაზეც ხელისუფლების პოზიცია თავიდანვე მკაფიო და უცვლელი იყო… სახელმწიფოს წინააღმდეგ წასვლა, ძალადობა და კონსტიტუციური წყობილების შეცვლის მცდელობა დაუსჯელი არასდროს დარჩება!
– არავის აქვს უფლება, საკუთარი პოლიტიკური ინტერესებიდან გამომდინარე, სახელმწიფოს წინააღმდეგ გაილაშქროს და ქვეყანა არევის რისკის ქვეშ დააყენოს.
– დანაშაულის აღიარება და მონანიება პირველი ნაბიჯია რეალური ჯანსაღი პროცესისკენ… რაც ნამდვილად მისასალმებელია.
იმედს ვიტოვებ, რომ აღიარების ამ სამართლიან მაგალითს გაიზიარებენ დანარჩენი მსჯავრდებულებიც! აღიარებენ სიმართლეს და მოინანიებენ იმას, რაც ქვეყნის წინააღმდეგ ჩაიდინეს.
– მშვიდობა, კანონის უზენაესობა და სტაბილურობა ჩვენი ქვეყნის მთავარი პრიორიტეტია!“- წერს სადღობელაშვილი.