ამ წუთას ქვეყნისთვის ტოპ პრიორიტეტი არის იმ 12 პუნქტის შესრულება, რომელზეც მთელი ყურადღება კონცენტრირებული გვაქვს, ამასვე მოვუწოდებთ ოპოზიციასაც, – ამის შესახებ საპარლამენტო უმრავლესობის წევრმა, მიხეილ სარჯველაძემ „ქრონიკაში განაცხადა.
მისი თქმით, სწორედ 12-პუნქტიანი გეგმაა, რომელიც საქართველოს ევროპაში ინტეგრაციამდე მიიყვანს.
„ნურავის გავუღვივებთ ინტერესს ან განცდას, რომ ვინმეს შესაძლებლობები აქვს, რომ რაღაც დესტრუქციული გეგმების განხორციელებაზე ილაპარაკოს. ასევე, ულტიმატუმით საუბრის შესაძლებლობაც არავის უნდა ჰქონდეს, ქვეყნისთვის მთავარი ინტერესი ეს არის“, – განაცხადა მიხეილ სარჯველაძემ.
მისი თქმით, ოპოზიციის მხრიდან 12 პუნქტთან დაკავშირებით ყოველგვარ დამაჯერებლობას მოკლებული არგუმენტების სიუხვეა, თუ როგორ აირიდონ მონაწილეობის აუცილებლობა ამ პროცესებში.