უკრაინის პრეზიდენტმა ვოლოდიმირ ზელენსკიმ გერმანიაში, უნგრეთში, ნორვეგიაში, ჩეხეთსა და ინდოეთში უკრაინის ელჩები თანამდებობიდან გაათავისუფლა. შესაბამისი ბრძანებები უკრაინის პრეზიდენტის ადმინისტრაციის ვებგვერდზე გამოქვეყნდა.
თანამდებობიდან გათავისუფლებულ ელჩებს შორისაა ანდრეი მელნიკიც, რომელიც გერმანიაში უკრაინის ელჩად მუშაობდა. მისი სახელი არაერთ სკანდალს უკავშირდება. კერძოდ, მელნიკი ხშირად აკრიტიკებდა გერმანიის ხელისუფლებას უკრაინისთვის შეიარაღების მიწოდების ნელი ტემპის გამო.