დიდუბის რაიონის გამგეობა საცხოვრებელ კორპუსებში ამორტიზებული ლიფტების განახლებისა და რეაბილიტაციის სამუშაოებს აქტიურად აგრძელებს.
ამ ეტაპზე, პროექტის ფარგლებში, 17 ლიფტის განახლების სამუშაოები დასრულებულია, ხოლო 7 ლიფტის რეაბილიტაცია ამჟამადაც მიმდინარეობს. ჯამში, 24 ლიფტის რეაბილიტაციის ღირებულება 915 047 ლარს შეადგენს.
სამუშაოების მიმდინარეობას დიდუბის რაიონის გამგებელი დავით გელოვანი და თბილისის საკრებულოს დიდუბის მაჟორიტარი დეპუტატი გივი ჩხარტიშვილი გაეცნენ და ადგილობრივ მოსახლეობას შეხვდნენ.