არ ვიცი, ჩემ მიმართვაზე რა რეაგირება ექნება ქალბატონ დეგნანს, მაგრამ ჩემი მოწოდება და რჩევა იქნება – საქართველოში, ამ ეტაპზე გლობალურ სიტუაციაში თავს კარგად ართმევს და ეს თავის გართმევა ხელისუფლებაა, რომლის უკან საკმაოდ ძლიერი, ჩამოყალიბებული საზოგადოებრივი აზრი დგას, – ამის შესახებ პარლამენტის დამოუკიდებელმა დეპუტატმა, მიხეილ ყაველაშვილმა „ქრონიკაში“ განაცხადა.
„ძლიერი საზოგადოებრივი აზრი შედგება ჩვენი ქვეყნის მოსახლეობის უმრავლესობისგან. აქ არის სხვადასხვა წრე: მეცნიერული, კულტურის მუშაკები, განათლების სისტემა და ეს აზრი, რომელსაც მე ვავითარებ, მაძლევს საფუძველს, რომ ჩვენს ქვეყანაში უკვე არსებობს ძალა და ამის გათვალისწინებას ვთავაზობ ქალბატონ ელჩს, რომ სწორედ ამ ადამიანებს დაეყრდნოს, რადგან ისინი მისცემენ სწორ პასუხს. ჩვენი ურთიერთობა (აშშ-ის და საქართველოსი) უფრო მეტად მძლავრი იქნება, თუ ამ ადამიანებს დაეყრდნობა და არა იმ ენჯეო სექტორს, რომელიც „ფსბ“ ნარატივს ახორციელებს“, – აღნიშნა მიხეილ ყაველაშვილმა.
მიხეილ ყაველაშვილი საქართველოში აშშ-ის ელჩს ღია წერილით მიმართა, სადაც იგი რამდენიმე თემას განიხილავს და იმედოვნებს, რომ კელი დეგნანისგან პასუხებს მიიღებს.