ეს იმ პოლიტიკის შედეგია, რასაც ხელისუფლება ატარებს, მშვიდობის და სტაბილურობის პოლიტიკის! მიუხედავად იმისა, რომ ეს შუალედური არჩევნებია, ეს არის ქართველი ამომრჩევლის განწყობის ერთგვარი ტესტი, – წერს ექსპერტი ნინო ფოჩხუა სოციალურ ქსელში.
„წინასწარი მონაცემებით ბათუმსა და რუსთავში ყველა უბანი მოგებულია! „ქართული ოცნების“ კანდიდატებმა ხმების 70% აიღეს! ეს კი იმ პოლიტიკის შედეგია, რასაც ხელისუფლება ატარებს, მშვიდობის და სტაბილურობის პოლიტიკის! მიუხედავად იმისა, რომ ეს შუალედური არჩევნებია, ეს არის ქართველი ამომრჩევლის განწყობის ერთგვარი ტესტი. ჩვენი ხალხი ბრძენია, ყველაფერს კარგად ხედავს და ყველაფერს კარგად აანალიზებს! ასე თუ გაგრძელდა 2024 წელს იარსებებს კი ოპოზიცია ამ შემადგენლობით და ამ სახით?“ – წერს ფოჩხუა facebook – ზე.
ცესკომ ბათუმის შუალედური არჩევნების წინასწარი პირველადი მონაცემები გამოაქვეყნა. „ნაციონალური მოძრაობის“ კანდიდატმა, მათე ფუტკარაძემ ხმების 31% მოიპოვა, „ქართული ოცნების“ კანდიდატმა, რამაზ ჯინჭარაძემ კი – 69%.