ხვდებიან, რომ მათი რეპუტაცია იმდენად ტოქსიკურია, მათი ახლა ავანსცენაზე გამოჩენა, მათთვის დამაზიანებელი და კონტრპროდუქტიული იქნება, – ამის შესახებ საპარლამენტო უმრავლესობის წევრმა, მიხეილ სარჯველაძემ რადიკალურ ოპოზიციაზე საუბრისას განაცხადა.
მან კომენტარი გააკეთა იმ ფაქტზე, რომ დღევანდელი აქცია „სირცხვილიას“ მიერ იყო ორგანიზებული, თუმცა რეგიონებში მოსახლეობას აქციაზე მისვლისკენ „ნაციონალური მოძრაობის“ სახეები მოუწოდებდნენ.
„მზაკვრულად დაგეგმილი პოლიტიკური აქტივობაა – ეს ფაქტია! ახლა, როდესაც ვადევნებთ თვალს, მაგალითად, იქ რეგიონებში დადიან, აქციის ორგანიზების პროცესში ჩართულები არიან და ძირითადად მოქალაქეებთან კონფლიქტები ვის ემართება? – „ნაციონალური მოძრაობის“ წევრებს. აქციას არა უბრალოდ თანაუგრძნობენ, არამედ კარგად, გამიზნულად, წინასწარ ჩაფიქრებულად აორგანიზებენ. უბრალოდ, ხვდებიან, რომ მათი რეპუტაცია იმდენად ტოქსიკურია, მათი ახლა ავანსცენაზე გამოჩენა, მათთვის დამაზიანებელი და კონტრპროდუქტიული იქნება. აქედან გამომდინარე, ხვდებიან, რომ რაღაცების შენიღბვა უნდა გააკეთონ და ამ შემთხვევაში ფოკუსის პრინციპით, ყურადღება სხვაზე გადაიტანონ“, – განაცხადა სარჯველაძემ.
ვინც ერს ებრძვის, მისთვის ბერთან ბრძოლაც მისაღებია, ამიტომაც ვეღარასდროს გაიმარჯვებენ –...