რუსთავსა და ბათუმში შუალედური არჩევნები დასრულდა. ამომრჩევლებს პარლამენტის მაჟორიტარი რუსთავის 84 და გარდაბნის 33 უბანზე უნდა აერჩიათ, ხოლო ბათუმში საკრებულოს მაჟორიტარი – 14 საარჩევნო უბანზე.
რუსთავის მაჟორიტარი დეპუტატობისთვის 3 კანდიდატი იბრძოდა: პარტიიდან „მამუკა ტუსკაძე ‐ სოციალური სამართლიანობისათვის“ მამუკა ტუსკაძე, „ქართული ოცნებიდან“ – ირაკლი შატაკიშვილი, „საქართველოს ერთობისა და განვითარების პარტიიდან“ კი კამალ მურადხანოვი.
რაც შეეხება ბათუმს, ამომრჩევლებს არჩევანის ორ კანდიდატს შორის უნდა გაეკეთებინათ. „ერთიან ნაციონალურ მოძრაობას” მათე ფუტკარაძე, ხოლო „ქართულ ოცნებას“ რამაზ ჯინჭარაძე წარმოადგენს.