ხელვაჩაურის მუნიციპალიტეტის მერმა, ზაზა დიასამიძემ, სამუშაო შეხვედრა გამართა მერიის სამსახურის ხელმძღვანელებთან, განყოფილების უფროსებთან, მუნიციპალური ორგანიზაციების ხელმძღვანელებთან და თანამშრომლებთან, მერის წარმომადგენლებთან.
შეხვედრის ფარგლებში განიხილეს მუნიციპალიტეტში მიმდინარე და დაგეგმილი პროექტები და სხვადასხვა მიმართულებით არსებული სამუშაო პროცესები. განსაკუთრებული ყურადღება დაეთმო ინფრასტრუქტურული პროექტების დროულ და ხარისხიან შესრულებას, შესყიდვების პროცედურების ეფექტიანად წარმართვას, ზედამხედველობის მექანიზმების გაძლიერებასა და მუნიციპალური ქონების მართვის საკითხებს.
მერმა შეხვედრის მონაწილეებთან ერთად იმსჯელა არსებული გამოწვევებისა და მათი გადაჭრის გზებზე. ყურადღება გაამახვილა სამსახურში კოორდინაციის, პასუხისმგებლობისა და ეფექტიანი თანამშრომლობის მნიშვნელობაზე, ასევე აღინიშნა სხვადასხვა უწყებას შორის აქტიური კომუნიკაციისა და თანამშრომლობის მნიშვნელობა, რაც მუნიციპალიტეტის განვითარებისთვის ერთ-ერთი მნიშვნელოვანი ფაქტორია.
სამუშაო შეხვედრას ხელვაჩაურის მუნიციპალიტეტის მერის მოადგილეებიც ესწრებოდნენ.