ხელვაჩაურის მუნიციპალიტეტის მერმა, ზაზა დიასამიძემ მუნიციპალიტეტის ტერიტორიაზე მიმდინარე ინფრასტრუქტურული პროექტები დაათვალიერა და სამუშაოების მიმდინარეობას ადგილზე გაეცნო.
სოფელ სალიბაურში აქტიურად მიმდინარეობს შიდა სასოფლო გზის სარეაბილიტაციო სამუშაოები, პრექტის ფარგლებში მოეწყობა სანიაღვრე არხები და ცხაურები.
სოფელ სალიბაურში ხორციელდება 114 – ბინიანი, 10 – სართულიანი სოციალური საცხოვრებელი სახლის მშენებლობა. პროექტის დასრულება დაგეგმილია 2028 წელს.
სოფელ მახვილაურში მიმდინარეობს საცხოვრებელ სახლთან ფერდსამაგრი კედლის სამშენებლო სამუშაოები, რაც მნიშვნელოვანია მოსახლეობის უსაფრთხოების უზრუნველსაყოფად.
მიმდინარე სამუშაოები მერთან ერთად დაათვალიერეს, აჭარის უმაღლესი საბჭოს წევრმა, მინდია დიასამიძემ, ხელვაჩაურის მუნიციპალიტეტის საკრებულოს თავმჯდომარე, არჩილ მხეიძემ, ასევე საკრებულოსა და მერიის შესაბამისი სამსახურების წარმომადგენლებმა.