დიდუბის რაიონის გამგეობა კორპუსის დაზიანებული სახურავების რეაბილიტაციას ახორციელებს.
სარეაბილიტაციო სამუშაოები დიღმის მასივის მესამე კვარტლის მე-19 და მეხუთე კვარტლის მე-16 კორპუსებში მიმდინარეობს.
სახურავების აღდგენა 1400 კვ.მ ფართობზე ხორციელდება. სამუშაოების ღირებულება 60 000 ლარს შეადგენს.
სამუშაო პროცესს დიდუბის რაიონის გამგებელი დავით გელოვანი თბილისის საკრებულოს დიღმის მასივის მაჟორიტარ დეპუტატ შოთა ქევხიშვილთან ერთად გაეცნო და ადგილობრივ მოსახლეობას შეხვდა.
