საქართველოს პარლამენტის თავმჯდომარის, შალვა პაპუაშვილის განცხადებით, ოკუპირებული სამხრეთ ოსეთის ე.წ. პრეზიდენტის ანატოლი ბიბილოვის განცხადებას, რომ სამხრეთ ოსეთის ე.წ. რესპუბლიკა ისტორიული სამშობლოს, რუსეთის შემადგენლობაში იქნება, არანაირი შიდა თუ საერთაშორისო სამართლებრივი ძალა არ გააჩნია.
„ასეთი სახის განცხადებებს, შესაძლო რეფერენდუმებს, თუ არჩევნებს და ა.შ. შიდა თუ საერთაშორისო სამართლებრივი ძალა თავისთავად არ გააჩნია. ვიცით, რომ ეს არ არის პირველი შემთხვევა. არაერთხელ იყო ეს მოწოდებები, მცდელობებიც, სხვადასხვა სახის ასეთი გამოკითხვებიც, მაგრამ მთავარი არის ერთი, არაღიარების პოლიტიკა არის მტკიცე. იცით, რომ ოკუპირებულ ტერიტორიებს ამ ქვეყანაზე არავინ აღიარებს ერთი-ორი სახელმწიფოს გარდა. ასე, რომ მთავარია ეს მიდგომა. თავისთავად, ამ სიტუაციაში ეს დაძაბვის მცდელობა, რა თქმა უნდა, არის მაგრამ ვფიქრობ, რომ ახლა, ისევე როგორც წინა შემთხვევებში აქაც რაიმე მნიშვნელოვანი შედეგი ამას არ აქვს“, – განაცხადა პაპუაშვილმა.
დასავლურ ქვეყნებს უნდათ, რომ ჩაგითრიონ რუსეთთან ომში. მხოლოდ ამისთვის სჭირდებით, რომ...