გურიის მხარეში სახელმწიფო რწმუნებულმა გიორგი ღურჯუმელიძემ, ლანჩხუთის მუნიციპალიტეტის მერთან ალექსანდრე სარიშვილთან და საკრებულოს თავმჯდომარე ბესიკ ტაბიძესთან ერთად, ლანჩხუთში შპს „ლანჩხუთის სატრანსპორტო კომპანიის“ ახალი ოფისი გახსნა.
ახალი ადმინისტრაციული სივრცე სრულადაა აღჭურვილი თანამედროვე მოთხოვნების შესაბამისად. მოწყობილია ავტობუსების სადგომი და სამრეცხაო ზონა, რაც უზრუნველყოფს ტრანსპორტის ტექნიკურ გამართულობასა და მომსახურების ხარისხის გაუმჯობესებას. შექმნილი ინფრასტრუქტურა ხელს შეუწყობს საზოგადოებრივი ტრანსპორტის უსაფრთხო, სტაბილურ და შეუფერხებელ ფუნქციონირებას.
მუნიციპალიტეტმა 2024 წელს, საქართველოს მთავრობა-ის მხარდაჭერით, შეიძინა 5 ახალი Isuzu-ს მარკის ავტობუსი. თითოეული მათგანი გათვლილია 21 მგზავრზე და სრულად არის ადაპტირებული შეზღუდული შესაძლებლობის მქონე პირებისთვის.
ამავე სივრცეში განთავსდება მერიის ბალანსზე არსებული ნაგავმზიდი ავტომობილები და სპეციალური ტექნიკა, რაც მუნიციპალური სერვისების ეფექტიან მართვას კიდევ უფრო შეუწყობს ხელს.