ხელვაჩაურის მუნიციპალიტეტის მერი ზაზა დიასამიძე, ბათუმში „კარგი მასპინძლის“ სტატუსის მქონე საოჯახო სასტუმროების დაჯილდოების ცერემონიას დაესწრო.
15-მდე საოჯახო სასტუმროს მეპატრონეს ,,კარგი მასპინძლის” სტატუსი ოფიციალურად მიენიჭა. ხელვაჩაურის მუნიციპალიტეტიდან, ერთი სასტუმროს მეპატრონეს “კარგი მასპინძლის” სტატუსი მიენიჭა. დაჯილდოვდა: ,,საოჯახო სასტუმრო მარის სახლი” – მზიური კირკიტაძე.
დაჯილდოების ცერემონიას ასევე ესწრებოდნენ, აჭარის ფინანსთა და ეკონომიკის მინისტრი ედნარ ნატარიძე, აჭარის სოფლის მეურნეობის მინისტრი დენის სალუქვაძე, აჭარის ტურიზმისა და კურორტების დეპარტამენტის ხელმძღვანელი თინათინ ზოიძე, მუნიციპალიტეტის მერები, საკრებულოს თავმჯდომარეები და მოწვეული სტუმრები.