„დიდი შვიდეულის“ (G7) ლიდერებმა სერიოზული შეშფოთება გამოთქვეს იმის გამო, რომ რუსეთმა ბელარუსს Iskander-M-ის ტაქტიკური სარაკეტო სისტემები შეიძლება გადასცეს.
„ჩვენ სერიოზულ შეშფოთებას გამოვთქვამთ რუსეთის განცხადების გამო, რომ მას შეუძლია ბელარუსს ბირთვული პოტენციალის მქონე რაკეტები გადასცეს“, – ნათქვამია დოკუმენტში.
25 ივნისს, ბელარუსის პრეზიდენტ ალექსანდრე ლუკაშენკოსთან შეხვედრაზე ვლადიმირ პუტინმა განაცხადა, რომ რუსეთი ბელარუსს რაკეტებს მიაწვდის, რომლებსაც შეუძლიათ ბირთვული ქობინების გადატანა.
„უახლოეს თვეებში ჩვენ ბელარუსს Iskander-M-ის ტაქტიკურ სარაკეტო სისტემებს მივაწვდით, რომლებსაც შეუძლიათ გამოიყენონ ბალისტიკური ან საკრუიზო რაკეტები, მათი ჩვეულებრივი და ბირთვული ვერსიებით“, – განაცხადა ვლადიმერ პუტინმა.