საპარლამენტო უმრავლესობის წევრის, ირაკლი ქადაგიშვილის განცხადებით, „ნაციონალურ მოძრაობას“ არაკონსტიტუციური გზით ხელისუფლების ხელში ჩაგდება სურს, რაც არ მოხდება.
„ეს ყველაფერი არის „ნაციონალური მოძრაობის“ გეგმის ნაწილი. მათი გეგმა მდგომარეობას იმაში, რომ არჩევნებში ვერ იმარჯვებენ და ცდილობენ, ყველა სიტუაცია გამოყენებული იყოს დესტაბილიზაციისა და ესკალაციისთვის, რითაც სურთ ხელისუფლების ხელში ჩაგდება. იმაზე, რომ რადიკალურ ოპოზიციას არჩევნების გარეშე ხელისუფლების შეცვლა უნდა და ამისთვის ნებისმიერ შემთხვევას იყენებს, გეტყვით, რომ არაკონსტიტუციური გზით ხელისუფლების ცვლილება არ მოხდება“, – განაცხადა ქადაგიშვილმა.