საპარლამენტო უმრავლესობის წევრის, მიხეილ სარჯველაძის განცხადებით, მმართველი გუნდი ყოველთვის მზად იყო თანამშრომლობისთვის, თუმცა ოპოზიცია პარლამენტის რეგლამენტით მინიჭებულ შესაძლებლობებს არ იყენებდა.
„ხაზგასმით ვამბობ – ხელისუფლება კი არ დაიწყებს, არამედ გააგრძელებს ამ თვალსაზრისით მუშაობას ოპოზიციასთან. პარლამენტის რეგლამენტი ოპოზიციას ყველა შესაძლებლობას აძლევს, მაგრამ ის არცთუ ხშრად იყენებდა ამ შესაძლებლობას. სხვათა შორის, ასე წარიმართა ევროინტეგრაციის მიმართულებით განსახორციელებელი რეფორმების დიდი ნაწილი“, – განაცხადა მიხეილ სარჯველაძემ.
დეპოლარიზაცია, საარჩევნო რეფორმა, სასამართლო რეფორმა, დეოლიგარქიზაცია, თავისუფალი და დამოუკიდებელი მედიაგარემო – ასე გამოიყურება საშინაო დავალების ნაწილი, რომელიც ევროკომისიამ, რეკომენდაციების სახით, 12 პუნქტად გასცა. მის შესასრულებლად საქართველოს ვადა წლის ბოლომდე აქვს.