დიდუბის გამგეობა რაიონში მდებარე საჯარო სკოლების რეაბილიტაციას ახორციელებს.
სამუშაოების ფარგლებში, განახლდება საკლასო ოთახები და დერეფნები, მოწესრიგდება იატაკი, გათბობის სისტემა. ასევე, რეაბილიტირდება მიწისქვეშა კომუნიკაციები, წყალარინებისა და სანიაღვრე სისტემა. სკოლებში, ასევე ეწყობა უსაფრთხოების ღობეები, წყალსაწრეტი მილები, ბოლო ეტაპზე კი სკოლების ეზოებში ასფალტის ახალი საფარი დაიგება.
ამ დროისთვის საჯარო სკოლების რეაბილიტაციის პროცესში დიდუბისა და დიღმის მასივის შვიდი სკოლაა ჩართული.
სკოლებში მიმდინარე ინფრასტრუქტურული სამუშაოების დასრულების შემდგომ, სასწავლო გარემო უფრო კომფორტული და თანამედროვე სტანდარტებთან შესაბამისი გახდება.
სამუშაო პროცესს დიდუბის რაიონის გამგებელი დავით გელოვანი, მოადგილესთან და დედაქალაქის საკრებულოს დიღმის მასივის მაჟორიტარ დეპუტატ შოთა ქევხიშვილთან ერთად გაეცნო.
ინფრასტრუქტურული პროექტების განსახორციელებლად 2 551 265 ლარია გამოყოფილი.
