ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილი ეხმაურება „ნაციონალური მოძრაობის“ მიერ გავრცელებულ ინფორმაციას, თითქოს, ეუთოს საპარლამენტო ასამბლეამ „ევროპის სახალხო პარტიის“ მიერ მომზადებული, საქართველოს მიმართ კრიტიკული რეზოლუცია მიიღო.
„ამ ადამიანებისგან უკვე მერამდენედ ვხედავთ ბუზისგან სპილოს ჩვენებას. 5 ადამიანი ჩაიკეტა ოთახში, მათ შორის 2 თავად „ნაციონალური მოძრაობის“ წევრი, თავიანთი EPP-ს პოლიტიკური ოჯახიდან და გადაწყვიტეს, რომ გამოეცხოთ რაღაც რეზოლუცია. გადაწყვიტეს ასევე, რომ სადღაც, რომელიღაც ოთახიდან მათ უკეთ იციან საქართველოს საჭიროებები, საქართველოში არსებული მდგომარეობა“, – განაცხადა ლევან მახაშვილმა.
ცნობისთვის, თინა ბოკუჩავა და გიგი წერეთელი ამტკიცებდნენ, რომ ეუთოს საპარლამენტო ასამბლეამ მიიღო „ევროპის სახალხო პარტიის“ მიერ მომზადებული რეზოლუცია, რომელიც საქართველოს მიმართ კრიტიკული შინაარსის არის. „ნაცმოძრაობის“ ტყუილი მალევე გამჟღავნდა.
„მათ მიერ გავრცელებული ინფორმაცია არც სხდომაზე გაჟღერებულა და არც ეუთოს ოფიციალურ გვერდებზე მოიძებნება!“, – წერს სოციალურ ქსელში გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე, რომელიც ეუთოს საპარლამენტო ასამბლეის სხდომაში მონაწილეობს.