ის არის ერთ-ერთი მწამებელი, რომელიც ქმნიდა რეჟიმს, სადაც სისტემატურად და სისტემურად ირღვეოდა ადამიანის უფლებები, – განაცხადა იურიდიულ საკითხთა საპარლამენტო კომიტეტის თავმჯდომარემ, არჩილ გორდულაძემ ბაჩო ახალაიაზე საუბრისას.
მისი თქმით, რა როლი ჰქონდა ახალაიას ხელისუფლების დამხობის მცდელობაში, ეს სამართალდამცავი ორგანოების დასადგენია.
„ბაჩანასთვის ეს მშვიდობიანი აქცია იყო, მშვიდობიანად ჩადენილი დანაშაული, შეჭრა, თავდასხმა, შტურმი სტრატეგიულ ობიექტზე, იქიდან გამომდინარე, თუ რა მავნებლობები აქვს კონკრეტულად ბაჩო ახალაიას ჩადენილი, რაც საზოგადოებისთვის ცნობილია. ის არის ერთ-ერთი მწამებელი, რომელიც ქმნიდა რეჟიმს, სადაც სისტემატურად და სისტემურად ირღვეოდა ადამიანის უფლებები“, – აღნიშნა გორდულაძემ.