ირანში ქორწილები და სამგლოვიარო ცერემონიები აიკრძალა

___________________________________

ირანში დიდი შეკრებები, მათ შორის ქორწილები და პანაშვიდები ისევ აიკრძალა. აღნიშნული გადაწყვეტილება ქვეყნის პრეზიდენტმა ჰასან რუჰანიმ ​ კორონავირუსის ახალი შემთხვევების მატების შემდეგ მიიღო.

„ჩვენ მთელი ქვეყნის მასშტაბით უნდა ავკრძალოთ ცერემონიები და შეკრებები, იქნება ეს ქორწილები, პანაშვიდები, თუ წვეულებები. ახლა ფესტივალებისა და სემინარების დრო არ არის“, – განაცხადა რუჰანიმ სატელევიზიო მიმართვისას.

ბოლო 24 საათში ირანში კორონავირუსით 188 პაციენტი გარდაიცვალა. საერთო ჯამში კორონავირუსით გარდაცვლილთა რიცხვი 12 625-ს აღწევს. ბოლო  მონაცემებით, ქვეყანაში ინფიცირების საერთო მაჩვენებელი 255,117-ს აღწევს.