IMG.GE ___________________________________ IMG.GE

ქართველი ჯარისკაცები, რომელთაც  ავღანეთში, ნატოს „მტკიცე მხარდაჭერის მისიაში“ მონაწილეობისას კორონავირუსი დაუდასტურდათ, გორის სამხედრო ჰოსპიტალში იმყოფებიან.  ჰოსპიტალის დირექტორის მოვალეობის შემსრულებლის თქმით, სამხედროების ჯანმრთელობის მდგომარეობა დამაკამაყოფილებელია.

,,სამხედრო ჰოსპიტალში ავღანეთიდან გადმოყვანილია 28 სამხედრო მოსამსახურე, რომელთაც დადასტურებული აქვთ COVID 19-ის დიაგნოზი. მათი ჯანმრთელობის მდგომარეობა ამ ეტაპზე დამაკმაყოფილებელია, ჩივილები არ აქვთ, ისინი მოთავსებულები არიან ნახევრადბოქსირებულ პალატებში სტაციონარულ მკურნალობაზე მოქმედი პროტოკოლის შესაბამისად“, – განაცხადა თავდაცვის სამინისტროს გორის სამხედრო ჰოსპიტალის დირექტორის მოვალეობის შემსრულებელმა ნოდარ ჩიმაკაძემ.

28 სამხედრო მოსამსახურე სპეციალური რეისით, გერმანიის საჰაერო ძალების სამხედრო თვითმფრინავით საქართველოში დღეს დილით ჩამოიყვანეს.

კომენტარის დატოვება
IMG.GE
გაზიარება