ესენი [ნაციონალური მოძრაობა] ჯერ კიდევ ხელისუფლებიდან დროებით გადასულები იყვნენ ოპოზიციაში, რომ სრულად ხელისუფლებაში მოსულიყვნენ, რათა ის დაეტრიალებინათ რასაც ატრიალებდნენ,-ამის შესახებ ყოფილმა პოლიტპატიმარმა, დაჩი ცაგურიამ, პარლამენტის დროებით საგამოძიებო სხდომაზე უნივერსიტეტის არჩევნებზე საუბრისას განაცხადა.
დაჩი ცაგურიას განცხადებით, სააკაშვილს ჰყავდა საკუთარი „ზონდერ“ დაჯგუფებები, რომლითაც აკონტროლებდა ყველაფერს, მათ შორის უნივერსიტეტის არჩევნების ჩატარებასაც. ერთ-ერთ სტუდენტს, სწორედ სააკაშვილის „ახალგაზრდულის“ თავმჯდომარემ არჩევნების გამო ქუჩაში 7 ტყვია ესროლა.
„უნივერსიტეტის არჩევნებზე, რომელიც ჩვენ მათ პრაქტიკულად მოვუგეთ შეიარაღებული ბანდები, რომელთაგან ერთ-ერთი ზონდერიც გვარად ნათობაძე მკვლელობაზე ზის, სააკაშვილის ზონდერ დაჯგუფებები ცეცხლსასროლი იარაღებით მოდიოდნენ, უნივერსიტეტში არჩევნებზე. ყუთებს, სადაც ხმას აძლევდნენ გაიტაცებდნენ დაამტვრევდნენ, შემოვარდებოდნენ, მიუხედავად ამისა ჩვენ მაინც მოვუგეთ არჩევნები.
უნივერსიტეტის ყოველთვის იყო სირცხვილი პარტიული რაღაცა გავლენიდან სტუდენტურ მოძრაობაში მონაწილეობა და ჩვენ ვინც ვიყავით ამისგან თავისუფალი და დამოუკიდებელი, ცნობით კი ვიცნობდით ამ ლიდერებს ყველა, მაგრამ ის რომ ახლა ჩემთვის ვიღაცას, თუნდაც სააკაშვილს დაევალებინა, რომ მოდი ეხლა ასე ქენი ეს ტვინ გახურებული სტუდენტები კაი პასუხს დავუბრუნდებით და ვუბრუნებდით კიდევაც ნებისმიერ ეგეთ მცდელობაზე.
იყო ასეთი სტუდენტი გოგა დანელიშვილი, 7 ტყვია ესროლა სააკაშვილის „ახალგაზრდულის“ თავმჯდომარემ, გოძიაშვილმა, ქუჩაში არჩევნების გამო, საიდანაც 4 მოარტყა“,-განაცხადა დაჩი ცაგურიამ.