ახლა მნიშვნელოვანი მომენტია. ჯერ კიდევ ვერ გეტყვით, კონკრეტულად როდის გამოაქვეყნებს ევროკომისია თავის დასკვნებს. როგორც ვიცი, ჯერ კიდევ მუშობენ ამაზე, თუმცა მჯერა, რომ ხვალ, რომელიღაც დროს უკვე გამოქვეყნდება, – ამის შესახებ საქართველოში ევროკავშირის ელჩმა, კარლ ჰარცელმა ევროპის მოედანზე, პრეზიდენტის მიერ ორგანიზებულ აქციაზე განაცხადა.
„როგორც იცით ეს დასკვნები, რომლებიც შეეხება საქართველოს, უკრაინასა და მოლდოვას, ევროკავშირის წევრმა სახელმწიფოებმა უნდა განიხილონ. 1 კვირაში უკვე ევროსაბჭოზე სახელმწიფოები დააფიქსირებენ საკუთარ აზრს ამ დასკვნების საფუძველზე, რომელიც ხვალ გამოქვეყნდება. ამის შემდეგ გავაკეთებ კომენტარს და წვლილს შევიტან დისკუსიებში“, – განაცხადა ჰარცელმა.