ქუთაისში ფესტივალი „თეატრალური იმერეთი 2022“ გაიხსნა. პროექტს ქუთაისის მერია, კულტურის სამინისტრო, იმერეთში სახელმწიფო რწმუნებულის ადმინისტრაცია, იმერეთის რეგიონის მუნიციპალიტეტები და იმერეთის თეატრალური საზოგადოება ახორციელებს, – ამის შესახებ ინფორმაციას ქუთაისის მუნიციპალიტეტის მერია ავრცელებს.
მათივე ინფორმაციით, ფესტივალში მონაწილეობას მიიღებენ როგორც პროფესიული, ასევე სახალხო თეატრები და დამოუკიდებელი დასები.
„მოხარული ვარ, რომ შემიძლია მოგილოცოთ თეატრალური ფესტივალის გახსნა. „თეატრალური იმერეთი 2022“ დღეს გაიხსნა და 2 კვირის განმავლობაში ნამდვილ დღესასწაულს აჩუქებს თეატრის მოყვარულებს. საუკეთესო ტრადიციად ქცეული ფესტივალი წელსაც მთელ იმერეთს მოიცავს, მონაწილეობას მიიღებს თეატრი ყაზახეთიდანაც. ქუთაისის მერია ამ ფესტივალის ერთ-ერთი დამფუძნებელი და მუდმივი მხარდამჭერია,”-განაცხადა ქუთაისის მერმა, იოსებ ხახალეიშვილმა.
ფესტივალში 17 თეატრი მიიღებს მონაწილეობას. საფესტივალო ჩვენებები გაიმართება ქუთაისსა და იმერეთის სხვა ქალაქებში. „თეატრალური იმერეთი 2022“ 1-ელ ივლისს დაიხურება.
პრემიერ-მინისტრი ირაკლი კობახიძე, სვეტიცხოვლობის დღესასწაულთან დაკავშირებით, საზეიმო წირვას დაესწრო