ევროკავშირი სირიას ყველა სანქციას უხსნის. უხ, აგაშენათ ღმერთმა! ახლა უკვე გასაგებია, რა იგულისხმება, როდესაც საქართველოზე აცხადებენ, “ევროპულ ღირებულებებს” დაშორდაო… როგორც ჩანს სირია ევროპულ ღირებულებებთან დააახლოვა აშშ-ის მიერ ტერორისტად აღიარებულმა აჰმედ ალ-შარაას მმართველობამ, რომლის პირობებშიც, ქუჩებში რელიგიური უმცირესობების – ალავიტებისა და ქრისტიანების ხოცვა დაიწყო, – ამის შესახებ “ერთიანი ნეიტრალური საქართველოს” წევრი, ვატო შაქარიშვილი, სოციალურ ქსელში წერს.
მისი განცხადებით, გულისამრევია ევროკავშირის ამ ხარისხის პოლიტიკური ფარისევლობა, როდესაც საქართველოს წინააღმდეგ სადამსჯელო ღონისძიებებს იყენებენ, პარალელურად კი, სირიას ყველა სანქციას უუქმებენ. “ევროკავშირი სირიას ყველა სანქციას უხსნის. უხ, აგაშენათ ღმერთმა! ახლა უკვე გასაგებია, რა იგულისხმება, როდესაც საქართველოზე აცხადებენ, “ევროპულ ღირებულებებს” დაშორდაო…
როგორც ჩანს სირია ევროპულ ღირებულებებთან დააახლოვა აშშ-ის მიერ ტერორისტად აღიარებულმა აჰმედ ალ-შარაას მმართველობამ, რომლის პირობებშიც, ქუჩებში რელიგიური უმცირესობების – ალავიტებისა და ქრისტიანების ხოცვა დაიწყო. ეტყობა, კაია კალასმა და სხვა ევროს-ჩინოვნიკებმა სწორედ მაშინ გადაწყვიტეს სირიისთვის სანქციების მოხსნა, როდესაც იხილეს კადრები, როგორ აყეფებდნენ მუხლებზე დაჩოქილ ადამიანებს იარაღის მუქარით და როგორ ევროპულად ხოცავდნენ ქალებსა და ბავშვებს. ეს იყო ნიშანი, რომ ასადის შემდეგ, სირიაში ჭეშმარიტად ევროპული, დასავლური ღირებულებების ხელისუფლება მოვიდა, რომელიც ევროკავშირისგან მხარდაჭერას იმსახურებს. გულისამრევია, ევროკავშირის ამ ხარისხის პოლიტიკური ფარისევლობა, როდესაც საქართველოს წინააღმდეგ სადამსჯელო ღონისძიებებს იყენებენ, პარალელურად კი, სირიას ყველა სანქციას უუქმებენ! P.S. დღეს, დავინახე საქართველოს პარლამენტის შენობაზე, ევროკავშირის დიდი დროშაა განთავსებული. როგორც მინიმუმ გაუგებარია, რატომ ვათავსებთ იმ ორგანიზაციის დროშას პარლამენტის შენობაზე, რომელიც ამავე შენობისთვის ცეცხლის წაკიდებას აფინანსებდა…” – წერს ვატო შაქარიშვილი.