„გირჩის“ ერთ-ერთი ლიდერი ალექსანდრე რაქვიაშვილი „MEGOBARI აქტი“-ს შესახებ მის ერთი წლის წინანდელ „ფეისბუქ“ პოსტზე თამარ ჩერგოლეიშვილის გამოხმაურებას აზიარებს და წერს, რომ მან „ამდენი არ იცის“.
როგორც რაქვიაშვილი წერს, ერთი წლის წინ, როცა MEGOBARI აქტი დააინიცირეს, მაშინ თქვა, რომ ვერ მიიღებდნენ და ვერც მიიღეს. დარჩა ისე ინიციატივად. დღეს სხვა კანონი, სხვა შინაარსის, ოღონდ მსგავსი სახელით მიიღეს.
“ერთი წლის წინ, MEGOBARI აქტი დააინიცირეს და მაშინ ვთქვი, რომ ვერ მიიღებენ მეთქი და ვერც მიიღეს. დარჩა ისე ინიციატივად. დღეს სხვა კანონი, სხვა შინაარსის, ოღონდ მსგავსი სახელით მიიღეს. Tamara Chergoleishvili-მა ამდენი არ იცის. ახლა კი გაიგო, მაგრამ გარანტიას ვიძლევი, არ დაწერს, “სანდრო მართალი იყავი, შემეშალაო”. მაგრამ მაინც, რა იცი, რა ხდება სამყაროში, დავდებ ამ სქრინს, იქნებ ის პირველი შემთხვევა იყოს, როცა ჩერგო შეცდომას აღიარებს”-წერს რაქვიაშვილი.