მიხეილ ყაველაშვილი ყოველთვის იხელმძღვანელებს საქართველოს საუკეთესო ინტერესებით, – განაცხადა ფრაქცია „ქართული ოცნების“ თავმჯდომარის პირველმა მოადგილემ, ირაკლი კირცხალიამ.
„ამ წესით არჩევა საპარლამენტო რესპუბლიკაში მოხდა პირველად და ეს ესეც უნდა მომხდარიყო, ამიტომ მართლაც მნიშვნელოვანი და ისტორიული თარიღია უახლოესი საქართველოს ისტორიაში, ხოლო რაც შეეხება ბატონ ყაველაშვილს საზოგადოებას მინდა ვუთხრა და, მე პირადად დარწმუნებული ვარ, და დამერწმუნეთ საზოგადოების უდიდესი ნაწილი, რომ ის იქნება პრეზიდენტი, რომელიც ყოველთვის იხელმძღვანელებს საქართველოს საუკეთესო ინტერესებით. ძალიან მნიშვნელოვანი მისია აქვს ბატონ ყაველაშვილს, რომ დაუბრუნოს პრეზიდენტის ინსტიტუტს ის შელახული და ფეხქვეშ გათელილი რეპუტაცია, რომელიც არამხოლოდ სალომე ზურაბიშვილის პერიოდში, არამედ ზოგადად ბოლო ათწლეულებია ამ ინსტიტუტს აყენებენ შეურაცხყოფას“, – განაცხადა კირცხალიამ.