საქართველოს რეგიონებში „ქართული ოცნების“ ქალთა ორგანიზაციის რეგიონული კონფერენციები იმართება. დღეს შიდა ქართლის ორგანიზაციის წევრები გორში შეიკრიბნენ. მათ ქალთა ორგანიზაციის გამგეობის თავმჯდომარესთან ერთად რეგიონში არსებულ ვითარება და სამომავლო გეგმები განიხილეს.
„გორში ჩვენ დავაკომპლექტეთ შიდა ქართლის საბჭოს შემადგენლობა, რომელიც ქალთა ორგანიზაციის სტრუქტურული ერთეული იქნება. ამგვარ საბჭოებს თითოეულ რეგიონში დავაკომპლექტებთ და, პარტიის წარმომადგენლები აღნიშნულ საბჭოებს კენჭს უყრიან. შემდგომში, ჩვენ გვექნება დეტალური და უფრო მჭიდრო თანამშრომლობა ამ საბჭოებთან და განვახორციელებთ იმ საქმიანობას, რომელსაც სამოქმედო გეგმის ფარგლებში შევიმუშავებთ. დღევანდელ შეხვედრაზე ჩვენს მხარდამჭერებს, პარტიის წევრებს წარვუდგინეთ ქალთა ორგანიზაციის სტრუქტურა და ის თემატური მიმართულებები, რომელზეც ქალთა ორგანიზაციის ფარგლებში ვიმუშავებთ“, – განაცხადა „ქართული ოცნების“ ქალთა ორგანიზაციის გამგეობის თავმჯდომარემ, ნინო წილოსანმა.