ძალიან საინტერესო პროექტია მობილური იუსტიციის სახლი, რამაც ხელმისაწვდომი გახადა ჩვენი მაღალმთიანი სოფლის მოსახლეობისთვის იუსტიციის სახლის სერვისები, – ამის შესახებ იმერეთში სახელმწიფო რწმუნებულმა ზვიად შალამბერიძემ იუსტიციის მინისტრის მიერ ქუთაისში გამართული წლის ანგარიშის მოსმენის შემდეგ განაცხადა.
მისი თქმით, იუსტიციის მინისტრისგან საინტერესო წლის ანგარიში მოისმინეს.
„დღეს ჩვენ ძალიან საინტერესო წლის ანგარიში მოვისმინეთ იუსტიციის მინისტრისგან იმ დაგეგმილ და განხორციელებულ ღონისძიებებზე, რომელიც მიმართულია არა მარტო არსებული მომსახურების გაუმჯობესებაზე, არამედ ახალი, ინოვაციური მომსახურების დაგეგმვაზე. ეს კიდევ უფრო ხელმისაწვდომს გახდის იუსტიციის სამინისტროსა და სახლების მომსახურებას ჩვენი თანამოქალაქეებისთვის. ძალიან საინტერესო პროექტია მობილური იუსტიციის სახლი, რამაც ხელმისაწვდომი გახადა ჩვენი მაღალმთიანი სოფლის მოსახლეობისთვის იუსტიციის სახლის სერვისები“, – განაცხადა ზვიად შალამბერიძემ.