საუბრების გაცოცხლება მიშელის დოკუმენტის განახლების საჭიროებაზე პოლიტიკური პოპულიზმის მაგალითია, – ამის შესახებ საპარლამენტო უმრავლესობის წევრმა მიხეილ სარჯველაძემ „ქრონიკის“ ეთერში განაცხადა.
„მგონია, რომ ერთგვარი პოლიტიკური პოპულიზმის მაგალითია საუბრების გაცოცხლება მიშელის დოკუმენტის განახლების საჭიროებაზე. იმიტომ, რომ რეალურად თუკი ჩვენ ამ დოკუმენტის შინაარსს გავითვალისწინებთ, მგონია, რომ ცოტა გადაჭარბებული და ხმამაღლა ნათქვამია ამ შემთხვევაში, ამ დოკუმენტში დაბრუნებაზე დისკუსიის გახსნა. ამის თქმის საფუძველს რამდენიმე გარემოება მაძლევს. უპირველესად უნდა ვთქვა, რომ თუკი ჩვენ გავითვალისწინებთ შინაარსს, რომელიც ამ დოკუმენტს ჰქონდა, უმჯობესია საზოგადოებასთან და ოპოზიციასთან საგნობრივ მცდელობაზე გადავიდეთ იმ რეფორმებზე, რომლის საჭიროებასაც ხაზს უსვამდა ეს დოკუმენტი. არამც და არამც ამ დოკუმენტიდან გასვლა არ ნიშნავს იმას, რომ ჩვენ უნდა შევწყვიტოთ საუბარი რომელიმე მიმართულებით რეფორმების განხორციელების საჭიროებაზე, მაგრამ თვითონ პოლიტიკური მნიშვნელობა ამ დოკუმენტისა არ მგონია, რომ ამ შემთხვევაში მისი აქტუალობა კვლავ ძალაშია“,- აღნიშნა სარჯველაძემ.